ओझरत्या नजरेने
ओझरत्या नजरेने शेवटचे तुला पाहीन मी तुझ्या सांगण्यावरून तुझ्यापासून दूर जाईन मी तुझे हृदय देशील ही तु दुसऱ्या व्यक्तीला पण तुझ्या हृदयात अविस्मरणीय आठवण बनून राहीन मी
मराठी कविता
Nishabd chya hya vibhaga antargat tumhala mazya marathi kavita vachayala miltil. Kavitecha aashay tumhala samjel ashi asha ahe.
कोमल हातांनी जपलेल्या फुलाच्या
कोमल हातांनी जपलेल्या फुलाच्या विखुरलेल्या पाकळ्या झाल्या प्रेमाने घट्ट बांधल्या गेलेल्या गाठी अलगद मोकळ्या झाल्या रेशमापेक्षा नाजुक ऋणानुबंधांच्या छिन्न विछिन्न साखळ्या झाल्या
रंगहिन वाटे चित्र सारे
रंगहिन वाटे चित्र सारे हरवल्यात सगळ्या रंगछटा धुसर दिसती सर्व दिशा काळोखात निजल्या सगळ्या वाटा मी आता केवळ एका निश्चल सागरा सारखा शमल्या आहेत सगळ्या लाटा
वाढले आहे दोन ह्रदयांतील अंतर
वाढले आहे दोन ह्रदयांतील अंतर तिच्या वेड्या मनाला हे कळेना कासावीस होऊन जाते माझे मन तिच्या डोळ्यातून एक अश्रुही गळेना माझीया प्रियाला प्रित कळेना माझीया प्रियाला प्रित कळेना
घालत बसते ती शब्दांची सांगड
घालत बसते ती शब्दांची सांगड प्रेमाचा अर्थ काही तिला कळेना प्रश्नही माझे अनुत्तरीतच राहतात काही केल्या त्यांना उत्तर मिळेना माझीया प्रियाला प्रित कळेना माझीया प्रियाला प्रित कळेना
एकमेकांच्या जीवात जीव गुंतलेला
एकमेकांच्या जीवात जीव गुंतलेला बाकी कशातच मन रूळेना तरीही दुर जाताना मात्र तिचं पाऊल काही मागे वळेना माझीया प्रियाला प्रित कळेना माझीया प्रियाला प्रित कळेना
