स्वप्न म्हणजे

Swapn-Mhanje

स्वप्न म्हणजे दृश्य, मनाला सुखावणारं
स्वप्न म्हणजे आकृती, दडलेल्या भावनांची

स्वप्न म्हणजे प्रतिबिंब, इच्छा आणि अपेक्षांचं
स्वप्न म्हणजे सावली, मनातल्या आकांक्षांची

स्वप्न म्हणजे कल्पना, वास्तवापेक्षा सुंदर
स्वप्न म्हणजे भ्रांती, हरवल्या जीवाची

स्वप्न म्हणजे आठवण, पाणावल्या डोळ्यांची
स्वप्न म्हणजे वेदना, तुटलेल्या हृदयाची

स्वप्न म्हणजे आस, वेडावल्या मनाची
स्वप्न म्हणजे ओढ, पलीकडल्या जगाची

स्वप्न म्हणजे ध्येय, झोप उडवणारं
स्वप्न म्हणजे लक्ष्य, बंद डोळ्यांनी दिसणारं

स्वप्न म्हणजे भविष्य, आयुष्य घडवणारं
स्वप्न म्हणजे सत्य, उद्याचा वर्तमान

प्रतिक अक्कावार

प्रतिक अक्कावार

नमस्कार. ह्या क्षणाला माझ्याकडे स्वतःबद्दल सांगण्यासारखे विशेष असे काही नाही. काहीतरी लिहावे असे नेहमीच वाटायचे म्हणून त्यादृष्टीने टाकलेले हे एक छोटेसे पाऊल.फक्त एक आवड म्हणून लिखाण सुरु करत आहे. शब्दांचा हा प्रवास जरा लांबचाच असणार आहे यात शंका नाही पण तुम्हाला माझे लिखाण आवडेल अशी आशा आहे. चला तर मग लवकरच भेटूया, तोपर्यंत काळजी घ्या. भेट दिल्याबद्दल धन्यवाद!

You may also like...

Leave a Reply

This site uses Akismet to reduce spam. Learn how your comment data is processed.

%d bloggers like this: