शब्दांचा निरंतर प्रवास
खूप बोलायचो आम्ही, गप्पाही खूप रंगायच्या
पण तिला बोलताना पहायचं राहूनच गेलं
खूप करायचो मस्करी, हसणंही खूप व्हायचं
पण तिला हसताना पहायचं राहूनच गेलं
कधी कधी गालातली गालात लाजायचोही
पण तिला लाजताना पहायचं राहूनच गेलं
असायचो जवळ एकमेकांच्या, तिची सोबतही असायची
पण तिचा हात हातात घ्यायचं राहूनच गेलं
खूप केला प्रयत्न तिला विसरायचा, त्यात यशस्वीही झालो
पण तिच्या आठवणी पुसून टाकायचं राहूनच गेलं
प्रतिक अक्कावार
नमस्कार. ह्या क्षणाला माझ्याकडे स्वतःबद्दल सांगण्यासारखे विशेष असे काही नाही. काहीतरी लिहावे असे नेहमीच वाटायचे म्हणून त्यादृष्टीने टाकलेले हे एक छोटेसे पाऊल.फक्त एक आवड म्हणून लिखाण सुरु करत आहे. शब्दांचा हा प्रवास जरा लांबचाच असणार आहे यात शंका नाही पण तुम्हाला माझे लिखाण आवडेल अशी आशा आहे. चला तर मग लवकरच भेटूया, तोपर्यंत काळजी घ्या. भेट दिल्याबद्दल धन्यवाद!
by प्रतिक अक्कावार · Published 14 March, 2013 · Last modified 2 May, 2019
by प्रतिक अक्कावार · Published 14 March, 2013 · Last modified 2 May, 2019
by प्रतिक अक्कावार · Published 22 January, 2015 · Last modified 2 May, 2019