मराठी कविता

एक नातं शब्दांत गुरफटलेलं

by प्रतिक अक्कावार

शब्दांतच ओळख, शब्दांतच मैत्री
शब्दांतच विश्वास, शब्दांतच खात्री

शब्दांतच सोबत, शब्दांतच सहवास
शब्दांतच आनंद, शब्दांतच त्रास

शब्दांतच रडणं, शब्दांतच हसणं
शब्दांतच रागावणं, शब्दांतच रूसनं

शब्दांतच जवळीक, शब्दांतच अंतर
शब्दांतच मर्यादित, शब्दांतच निरंतर

एक नातं शब्दांत गुरफटलेलं

थोडं नाजूक, थोडं खास
वेड्या मनाने चालू ठेवलेला शब्दांचा सुंदर प्रवास

लिखाण आवडल्यास प्रसार करा:

प्रतिक अक्कावार

नमस्कार. ह्या क्षणाला माझ्याकडे स्वतःबद्दल सांगण्यासारखे विशेष असे काही नाही. काहीतरी लिहावे असे नेहमीच वाटायचे म्हणून त्यादृष्टीने टाकलेले हे एक छोटेसे पाऊल.फक्त एक आवड म्हणून लिखाण सुरु करत आहे. शब्दांचा हा प्रवास जरा लांबचाच असणार आहे यात शंका नाही पण तुम्हाला माझे लिखाण आवडेल अशी आशा आहे. चला तर मग लवकरच भेटूया, तोपर्यंत काळजी घ्या. भेट दिल्याबद्दल धन्यवाद!