मराठी कविता

आठवणी तशाच राहतात

by प्रतिक अक्कावार

अर्थ नसे ज्या शब्दांना
ते उगाच बोलू लागतात

दोन अनोळखी जिवांना
एकमेकांत गुंफू पाहतात

बांध सुटून भावना
शब्दांतून ओसंडून वाहतात

आवडीला बहर येउन
नाजूक बंध जुळतात

स्पंदनांना साथ देत
दिवसामागे दिवस सरतात

शब्द संपतात, धागा तुटतो, क्षणार्धाच नातं ही तुटतं
वाईट वाटतं, त्रास होतो, डोळ्यांमधलं पाणी हि आटतं

शेवटी शब्द मुके होऊन हरवून जातात
मनाच्या कोपरयात मात्र आठवणी तशाच राहतात

लिखाण आवडल्यास प्रसार करा:

प्रतिक अक्कावार

नमस्कार. ह्या क्षणाला माझ्याकडे स्वतःबद्दल सांगण्यासारखे विशेष असे काही नाही. काहीतरी लिहावे असे नेहमीच वाटायचे म्हणून त्यादृष्टीने टाकलेले हे एक छोटेसे पाऊल.फक्त एक आवड म्हणून लिखाण सुरु करत आहे. शब्दांचा हा प्रवास जरा लांबचाच असणार आहे यात शंका नाही पण तुम्हाला माझे लिखाण आवडेल अशी आशा आहे. चला तर मग लवकरच भेटूया, तोपर्यंत काळजी घ्या. भेट दिल्याबद्दल धन्यवाद!